Erkinjon Oqbo‘tayevich Turdimov 1969-yil 10-iyulda Samarqand viloyati Qo‘shrabot tumanida tug‘ilgan. 1991-yilda Toshkent xalq xo‘jaligi institutini iqtisodchi mutaxassisligi bo‘yicha tamomlagan. Mehnat faoliyatini 1991-yilda "O‘zsanoatqurilishbank"ning Sirdaryo filialida bo‘lim mutaxassisi sifatida boshlagan. 1995–1996-yillarda Zarafshon shahar hokimining o‘rinbosari, 1996–2000-yillarda O‘zbekiston Milliy banki Navoiy bo‘limi boshqaruvchisi lavozimlarida ishlagan. 2000–2008-yillarda Navoiy viloyati Xatirchi tumani hokimi, 2008-yilda O‘zbekiston Respublikasi Qishloq va suv xo‘jaligi vazirining birinchi o‘rinbosari lavozimlarida faoliyat yuritgan. 2008–2016-yillarda Navoiy viloyati hokimi, 2016–2018-yillarda Surxondaryo viloyati hokimi, 2018–2024-yillarda Samarqand viloyati hokimi lavozimlarida ishlagan. 2024-yil 28-noyabrda Samarqand viloyati hokimi lavozimidan ozod etilgan. 2025-yil 22-yanvarda Sirdaryo viloyati hokimi vazifasini bajaruvchi etib tayinlangan. Erkinjon Turdimov 2006-yilda "Mehnat shuhrati" ordeni bilan taqdirlangan.